Prulungazione di a Chjama à prugetti per a Festa di a Lingua corsa.

Prulungazione di a Chjama à prugetti per a Festa di a Lingua corsa.

Rédigé le 20/04/2020

DATE NOVE : da u 26 di sittembre à l’8 di dicembre



 
 

Sempre cunfruntati per stu pocu à una situazione di crisi sanitaria, avemu decisu d’attempà a Festa di a lingua corsa 2020. In logica, a manifestazione si ferà da u 26 di sittembre sin’à l’8 di dicembre 2020. Cusì hè stata decisa di permettevi di risponde à sta chjama à prugetti sin’à venneri, u 29 di maghju di u 2020 (à meziornu).
A festa di a lingua principierà sabbatu u 26 di sittembre à l’uccasione di a ghjurnata auropea di e lingue è ghjornu di a decesima edizione di Linguimondi, per compie u ghjornu di a Festa di a Nazione.
 
  • Avete digià rispostu à a chjama à prugetti ? Ci pudete mandà un cartulare novu, mudificatu cum’ella vi pare (date scambiate, intervenente di più o di menu, bugettu mudificatu, ecc.).
 
  • Ùn avete micca rispostu à a prima chjama à prugetti ? Site un associu, un’istituzione, una cullettività, una persona murale o un’intrapresa ? Vulete prupone un’attività à i zitelli o à i maiò di u vostru territoriu ?
 
Telecaricate u cartulare di a festa di a lingua è u rigulamentu di l’aiuti nant’à https://www.isula.corsica/linguacorsa/
 
A Cullettività di Corsica vi sustene è accumpagna i vostri prugetti à prò di a lingua corsa.
 
Mandate direttamente i cartulari à l’indirizzu pustale : Cunsigliu Linguisticu, 5 av. X. Luciani – 20250 CORTI
  
Impegnatevi ! A lingua hè viva, ci tocca à parlalla !